Psa 23 | VulgJ | STEP | psalmus David prima sabbati Domini est terra et plenitudo eius orbis terrarum et universi qui habitant in eo David canticum Domini est terra et plenitudo eius orbis et habitatores eius

Psalms 23

1 psalmus David prima sabbati Domini est terra et plenitudo eius orbis terrarum et universi qui habitant in eo ^va 2 *quia; ipse super maria fundavit eum et super flumina praeparavit eum ^va 3 quis ascendit in montem Domini aut quis stabit in loco sancto eius ^va 4 innocens manibus et mundo corde qui non accepit in vano animam suam nec iuravit in dolo proximo suo ^va 5 hic accipiet benedictionem a Domino et misericordiam a Deo salvatore suo ^va 6 haec est generatio quaerentium eum quaerentium faciem Dei Iacob diapsalma ^va 7 adtollite portas principes vestras et elevamini portae aeternales et introibit rex gloriae ^va 8 quis est iste rex gloriae Dominus fortis et potens Dominus potens in proelio ^va 9 adtollite portas principes vestras et elevamini portae aeternales et introibit rex gloriae ^va 10 quis est iste rex gloriae Dominus virtutum ipse est rex gloriae diapsalma

^va